Бэрээдэк Сүрүн Уопсастыба

Анастасия Михайлова түөкүннээһиҥҥэ уорбаланан тутулунна (ВИДЕО)

Бэҕэһээ, ыам ыйын 22 күнүгэр, Дьокуускай куорат аэропордугар адаптивнай физкультура өрөспүүбүлүкэтээҕи киинин дириэктэрэ Анастасия Михайлова түөкүннээһиҥҥэ уорбаланан тутулунна.

edersaas.ru

СӨ ИДьМ-тын пресс-сулууспата иһитиннэрбитинэн, ИДьМ  Экономическай буруйдары уонна хоруупсуйаны утары охсуһар управлениетын сотрудниктара бу бүддьүөт тэрилтэтин салайааччыта 3 мөлүйүөнтэн тахса суумманы хорон сиэһиҥҥэ сыһыаннааҕын быһаардылар.

Бу үп-харчы «Доступная среда» федеральнай бырагыраамманан спортинвентарь атыылаһарга анаммыт харчы эбит.

Бу чахчынан РФ Холуобунай кодексатын 159-с ыст. 4-с чааһынан, ол эбэтэр, ураты бөдөҥ кээмэйдээх түөкүннээһини оҥоруу бэлиэтэ баарынан, холуобунай дьыала тэриллибит.

Силиэстийэ сабаҕалыырынан, бу улахан харчыны дириэктэр спортинтвентарь поставкатын дуогабарыгар сымыйа сибидиэнньэлэри суруйан, сокуоннайа суохтук ылбыт.

Дьэҥдьиир кэмигэр бухгалтерия докумуоннарын, компьютеры уо.д.а дьыалаҕа дакаастабыл буолуон сөптөөх маллары былдьаабыттар.

Уорбаланааччыга силиэстийэ кэмигэр хаарчахтыыр миэрэ быһыытынан, ханна да барбат баппыыска туттулунна.

Анастасия Михайлова РФ физическэй култууратын уонна спордун туйгуна, СӨ «Гражданскай килбиэн» бэлиэлээх.

Биһиги корр., «Саха сирэ» хаһыат, edersaas.ru

Хаартыска уонна видео: СӨ ИДьМ-тын пресс-сулууспата. 

2
1
Telegram @edersaas20

Добавить комментарий