Анастасия Диодорова норуоттары сомоҕолуур бэлиэнэн наҕараадаланна

Саха аатырбыт спортсменката Анастасия Диодорова XVI Паралимпийскай онньууларга 50 миэтэрэҕэ көҥүл истиилинэн харбааһыҥҥа түөрт киһилээх хамаандаҕа киирсэн кыттыбыта.

Түмүккэ Араассыйа спортсменнара  4-с миэстэ буолбуттара.

— Биллэн турар, тоҕус сыллаах бэлэмнэниим түмүгүнэн бириистээх миэстэҕэ тиксибэтэхпэр хомойобун. Ол да буоллар, спорт аата спорт — сырам таах хаалбатыгар эрэнэбин. Кэскиллээх былааннардаахпын. Төрөөбүт Чурапчыбар сылдьыбатаҕым наһаа ыраатта. Онно ахтылҕаннаах сирбэр тиийэн сынньаныам, күүс-уох ылыныам. Дойдум дьонугар өйөбүллэрин иһин махтанабын, — диэн санаатын үллэһиннэ Анастасия Диодорова.

Ил Дархан Айсен Николаев  Анастасия Диодорованы «Эйэни уонна норуоттар доҕордоһууларын бөҕөргөтүү иһин»  СӨ Бочуоттаах бэлиэнэн наҕараадалаата.

Елена ПОТОЦКАЯ, “Саха сирэ” хаһыат, edersaas.ru

Хаартыска — «Улуус.медиа» саайтан.