Анаан халыы-талыы, уора тахсыбыттар

Ааптар: 
Бөлөххө киир:

Нерюнгри полициятын оперативниктара урут сууттана сылдьыбыт 18 уонна 20 саастаах уолаттары халааһыҥҥа уонна уорууга уорбалаан туттулар.

edersaas.ru

Барыллаан быһаарыынан, бу урдустар түүнү быһа куорат устун кэридэктии сылдьан, кими эмит халыырга быһаарыммыттар. Өлүү түбэлтэлээх, ол түгэҥҥэ маҕаһыын таһыгар биир киһини өйдөөн көрөн, кэнниттэн батыспыттар. Хараҥа сиргэ тиийээт, бу эрэйдээҕи атахтаан, охторон түһэрбиттэр уонна 600 солк. харчытын, суотабай төлөпүөнүн былдьаабыттар.

Итинэн тохтооботохтор — сотору буолан баран, аны маҕаһыыны халаабыттар: атыылааччы «подсобкаҕа» киирбит кэмигэр, каассаттан 12 тыһ. солк. баарын уорбуттар уонна атахха биллэрбиттэр.

Уорбут харчыларынан ас уонна арыгы атыыласпыттар.

Холуобунай дьыала икки ыстатыйанан тэриллэн силиэстийэлэнэр.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0