Маны аах Тыа хаһаайыстыбата

Анаалыс балаҕан ыйын 12 күнүн кэнниттэн биллиэҕэ

Батсаабынан  бу күннэргэ Үөһээ Бүлүү улууһугар сүөһү өлүүтэ тахсыбытын туһунан суруйбуттара. Онуоха Саха сиринээҕи Бэтэринээрийэ департаменыттан маннык хоруйу туттубут:

— СӨ Бэтэринээрийэ департамена 2022 сыл атырдьах ыйын 31 күнүттэн балаҕан ыйын 4 күнүгэр диэри Үөһээ Бүлүү улууһун Боотулуу сэлиэнньэтигэр 11 ынах сүөһү өлүүтэ бэлиэтэммитэ.

Онон сибээстээн, бэтэринээрдэр патологическай матырыйаал боруобатын ылан, Үөһээ Бүлүү улууһунааҕы Бэтэринээрийэ управлениетын бэтэринээринэй-чинчийэр лабораториятыгар уонна Саха сиринээҕи өрөспүүбүлүкэтээҕи бэтэринээринэй-чинчийэр лабораторияҕа ыыппыттара. Биологическай боруоба ньыматынан чинчийии түмүгэ балаҕан ыйын 12 күнүн кэнниттэн биллиэҕэ. Сабаҕалааһын быһыытынан сүөһүлэр хааһырҕастан (эмфизематозный карбункул) ыалдьыбыт буолуохтарын сөп. Бэтэринээрийэ сулууспата миэстэтигэр санитарнай үлэлэри ыытар.

Бэлэмнээтэ Женни Стрюкова

Хаартыска: СӨ Бэтэринээрийэ департамена ыытта

0
0
Telegram Whatsapp