Кулун тутар 24 күнүнээҕи туругунан, Саха сиригэр 28 киһи саҥа коронавируснай инфекциянан ыалдьыбыта бигэргэннэ диэн өрөспүүбүлүкэтээҕи суһал ыстаап салайааччытын солбуйааччы Ольга Балабкина иһитиннэрэр.
Ол иһигэр, Дьокуускайга – 18, Бүлүүгэ, Ленскэйгэ, Ньурбаҕа, Уус Алдаҥҥа – 2-лии, Муомаҕа, Хаҥаласка биирдии киһи ыалдьыбыт. Муомаҕа кэнники 2 ый устата ыарыы бэлиэтэммэтэҕэ. Онон улуустарга “ыарыы суох” диэн ыһыктынан кэбиспэккэ, миэрэлэри тутуһар ирдэнэр.
Суукка иһигэр коронавируснай инфекцияны быһаарар 1606 анаалыс оҥоһуллубут. Пандемия саҕаланыаҕыттан өрөспүүбүлүкэ үрдүнэн барыта 999 512 анаалыс оҥоһуллубут.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1