Анаалыс түмүгэ икки суукканан биллиэҕэ
· - Олох-дьаһах

Анаалыс түмүгэ икки суукканан биллиэҕэ

Сэтинньи 26 күнүнээҕи туругунан, өрөспүүбүлүкэҕэ 219 киһи коронавируһунан ыарыйда. Ол туһунан өрөспүүбүлүкэтээҕи суһал ыстаап салайааччытын солбуйааччы Ольга Балабкина брифиҥҥэ иһитиннэрдэ.

Ол иһигэр, Дьокуускайга – 119 киһи ыалдьыбыта билиннэ. Кэнники икки нэдиэлэ устата киин куоракка ыалдьар дьон ахсаана аҕыйаабат. Ону тэҥэ, Бүлүү, Өлүөхүмэ, Нерюнгри оройуоннарыгар ыалдьыы элбэх. Нерюнгрига доруобуйа харыстабылын министиэристибэтин анал биригээдэтэ баран үлэлээн эрэр. Горнай улууһугар доруобуйа харыстабылын миниистирэ Елена Борисова тиийэн үлэлии сылдьар.

Мииринэй, Сунтаар, Хаҥалас, Уус Майа улуустарыгар күн аайы хастыы да киһи ыалдьа турара дьиксиннэрэр.

Суукка иһигэр 4393 анаалыс оҥоһуллубут. Бүгүҥҥүттэн ыла суһал ыстаап быһаарыныы ылынан, анаалыс түмүгүн 48 чаас иһинэн биллэрэллэригэр лабораториялары эбээһинэстээтилэр. Ону түргэтэтэр, мэдиссиинэ тэрилтэлэрин төлөпүөннэрин ноҕуруускалаабат туһуттан, дьон анаалыстарын түмүгүн “Облачная поликлиника” сыһыарыы нөҥүө билэр буолуохтара.

— Ил Дархан аптекаларга төһө эмп-томп баарын күннэтэ хонтуруоллуу олорор. Ханна эмит кыһалҕа үөскээтэҕинэ, тута быһаарарга үлэ ыытыллар”, — диэн Ольга Балабкина кэпсээтэ.

Ангелина Васильева, “Саха сирэ” хаһыат, edersaas.ru

Хаартыска: СИА.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

17 + 8 =