Өрөспүүбүлүкэ баһылыга Айсен Николаев быһа эпиир кэмигэр Өймөкөөн улууһугар коронавируһунан ыалдьыбыт киһи балаһыанньатын уонна Уус Ньара бөһүөлэгэр ханнык миэрэлэр ылыныллыбыттарын кэпсээтэ.
Ил Дархан Айсен Николаев:
— Өймөкөөн улууһугар коронавируһунан ыалдьыбыт киһи — баахтанан үлэлиир оробуочай. Бүгүҥҥү күҥҥэ кини уонна кинини кытта биир уопсай дьиэҕэ олорбут дьон балыыһаҕа сыталлар.
Ону сэргэ, бу уопсайга олорбут атын оробуочайдар бары обсерваторга киирбиттэр. Бу киһини кытта хантаактаспыт дьон анаалыстара Дьокуускайга кэлэн оҥоһулла сылдьаллар. Онон сарсыарда төһө киһи бу дьонтон дьаҥҥа хаптарбытын дуу, суоҕун дуу билиэхпит.
Өскөтүн, ыалдьыбыт дьон ахсаана оробуочайдар олорбут уопсайдарын иһинэн эрэ буоллаҕына, бөһүөлэккэ харантыын оҥоһулоуо суоҕа. Оттон өскөтүн, уопсай дьиэ таһынан куттал баар буоллаҕына, харантыын киллэрэр туһунан быһаарыныы ылыныахпытын сөп.
Ульяна Захарова, edersaas.ru
+1
+1
+1
+1
+1
+1
+1