Анаабырга улуус баһылыгын быыбара буолуоҕа

Бөлөххө киир:

Быйыл ыам ыйын 15 күнүгэр Анаабыр улууһун баһылыгын быыбара болдьоҕун иннинэ буолар. 

Маннык быһаарыыны Анаабыр улууһун дьокутааттарын Сэбиэтэ ылынна.  Тоҕо итинник быһаарыыны ылыммыттара  биллэр.  Ол курдук соторутааҕыта, олунньу 4 күнүгэр, улуус баһылыга Иван Семенов дуоһунаһынан туһанан  харчы көрдөөбүтүгэр уорбаланан тутуллубута уонна билигин ол дьыалата силиэстийэҕэ сылдьар. Олунньу саҥатыгар кини баҕа өттүнэн уурайарын туһунан сайабылыанньаны биэрбитэ. Билигин Анаабыр улууһун баһылыгын эбээһинэһин б.к. Иосиф Васильев толорор, кини бу иннинэ баһылыгы 1-кы солбуйааччы этэ.

Улуус дьокутааттарын Сэбиэтин бэрэссэдээтэлэ Валентина Матвееваҕа эрийэн билсибиппитигэр, “Бу күннэргэ быыбар буолар күнүн чуолкай быһаардыбыт. Онон икки ый курдугунан, ыам ыйын 15 күнүгэр буолуоҕа. Билиҥҥи туругунан, кимнээх хандьыдаат быһыытынан киирэллэрэ официальнайдык быһаарылла илик”, —  диэн иһитиннэрдэ.

+1
0
+1
0
+1
0
+1
0
+1
0
+1
0
+1
0