Муус устар 18 күнүгэр Анаабыр улууһун Үрүҥ Хайа нэһилиэгэр үгэс быһыытынан сыл ахсын ыытыллар табаһыттар сүлүөттэрэ буолла.
Манна МУП И.К.Спиридонов аатынан ыстаада табаһыттара, чуум үлэһиттэрэ күрэхтэстилэр.
Тэрээһин тула Үрүҥ Хайа нэһилиэгин орто оскуолатын дириэктэрэ Суруяна Неустроева санаатын үллэһиннэ:
— Сүлүөппүт үгэс быһыытынан сыл ахсын ыытыллар. Ааспыт сыл пандемиянан сүлүөппүт буолбатаҕа. Быйыл биһиги, оскуола кэллэктиибэ ураһа туруордубут. Оскуола оҕолоругар аналлаах тэрээһин ыыттыбыт. Дьокуускайтан Олимпия, Лэгэнтэй кэлэн ыллаан-туойан тэрээһиммитин киэргэттилэр. Атыы-тутуу дьаарбаҥката, тыыннаах үгэстэр диэн талааннаах дьоммут оҥоһуктарын, уруһуйдарын быыстапкалара буолла.
Ульяна Захарова, edersaas.ru
ХААРТЫСКАЛАРЫ Үрүҥ Хайа нэһилиэгин олохтоохторун түһэриилэрэ.