Минньигэс килиэптээх урбаанньыт

Ааптар: 
Бөлөххө киир:

Анаабыр улууһун олохтооҕо Зинаида Андросова килиэби астыырын элбэтэр, үлэтин кэҥэтэр, сайыннарар былааннаах.

Предприниматель Зинаида Андросова килиэби астыырга соторутааҕыттан ылсыбыт. Ол да буоллар, үлэтигэр номнуо ситиһиилэммит, дьон-сэргэ кини минньигэс килиэбин хамаҕатык атыылаһар, эбии үлэһэр буолбуттар. Бу туһунан СӨ Предпринимательство, туризм министиэристибэтин саайтыгар суруллар.
Кини үлэтин-хамнаһын кэҥэтэр, сайыннарар, тэрилин саҥардар баҕалааҕын биллэрэн үбүнэн-харчынан өйөбүл көрдөөбүт. Ол түмүгүнэн бу күннэргэ сөбүлэһиигэ илии баттаабыт.
—Саҥа тэрилэннэхпинэ, астыыр килиэппин элбэтиэм этэ. Өскөтүн күҥҥэ 20 килиэби астаан таһаарар буоллахпына, саҥа тэрилгэ күҥҥэ 140-180 килиэби астыыр кыахтанабын. Килиэби таһынан бэрэски, беляш, чебурек, гамбургер, шаурма астаан атыылыыбын. Аспын-үөлбүн «Асель», «Якутяночка» уонна «Сайдыы» маҕаһыыннартан атыылаһыахха сөп. Кэлэр өттүгэр элбэх маҕаһыыны кытары кэпсэтэн атыылаттарар былааннаахпын, — диир кини.
Көмө, өйөбүл туһунан сиһилии билэн баҕалаахтар Саха сирин дьоҕус уонна орто биисинэһин порталыгар ааҕыҥ.
+1
0
+1
0
+1
0
+1
0
+1
0
+1
0
+1
0