Ааспыт сууккаҕа Саха сиригэр өссө 214 киһи коронавируска сутулунна, ол иһигэр 48 дьаҥы илдьэ сылдьар киһи баар диэн СӨ Суһал ыстааба иһитиннэрэр.
Дьокуускай куоракка 121 киһи ыарыйда.
Улуустарга:
— Анаабырга — 9 киһи;
— Ньурбаҕа, Уус Алдаҥҥа — 7-лии киһи;
— Алдаҥҥа, Мэҥэ Хаҥаласка — 6-лыы киһи;
— Бүлүүгэ, Чурапчыга, Нерюнгрига — 5-тии киһи;
— Үөһээ Бүлүүгэ, Ленскэйгэ, Намҥа, Тааттаҕа — 4-түү киһи;
— Аллайыахаҕа, Горнайга, Эдьигээҥҥэ, Өймөкөөҥҥө, Өлөөҥҥө, Сунтаарга — 3-түү киһи;
— Аммаҕа, Өлүөхүмэҕэ, Хаҥаласка — 2-лии киһи;
— Булуҥҥа, Дьааҥыга, Кэбээйигэ — 1-дии киһи.
Ааспыт сууккаҕа, хомойуох иһин, үс киһи тыына быһынна.
Өрөспүүбүлүкэ лабораторияларыгар бэҕэһээ 6 684 тест оҥоһуллубут. Дьаҥ туруоҕуттан 697 486 тесты быһаарбыттар.
edersaas.ru
Хаартыска — СИА.
+1
+1
+1
+1
+1
+1
+1