Дьокуускай куоракка кулун тутар 16 – 17 күннэригэр өрөспүүбүлүкэ табаһыттара улахан тэрээһиҥҥэ мустан, хоту улуустартан табалары сөмөлүөтүнэн аҕаллылар.
Анивера Акимова, «Саха сирэ» хаһыат, https://edersaas.ru/
Анаабыр улууһун баһылыгын солбуйааччы Наталья Спиридонова «Эдэр саас» сайтка иһитиннэрбитинэн, Үрүҥ Хайаттан табаларын Сааскылаахха диэри массыынанан, салгыы көтөр аалынан Дьокуускайга аҕалбыттар. «Анаабыртан 10 табаны аҕаллыбыт. Ипподромҥа ыытыллар тэрээһиҥҥэ кыттыахтаахтар. Бүгүҥҥү туругунан улууска 15 тыһыынчаттан тахса табалаахпыт», – диэн кэпсээтэ.
Бу күннэргэ Өлөөнтөн, Эбээн Бытантайтан, Усуйаанаттан уонна Анаабыртан уопсайа 50-ча таба кэлэн сийиэс чэрчитинэн ыытыллар тэрээһиннэргэ кыттыахтаахтар. Аны бүгүн аэропорт үлэһиттэрэ Булуҥ улууһун табаларын кэтэһэн олороллор.
«Полярные авиалинии» авиа-хампаанньа бэрэстэбиитэлэ иһитиннэрбитинэн, «айанньыттар» бэрт үчүгэйдик көтөн кэлбиттэр.
Анивера Акимова, «Саха сирэ» хаһыат, https://edersaas.ru/
Саргылана Сандар, Галина Мозолевская хаартыскаҕа түһэриилэрэ.