Бүгүн сарсыарда 10 ч. көрдөрүүнэн, Сахабыт сирин улуустарыттан Анаабыр уонна Өлөөн бастакынан көхтөөхтүк быыбардаатылар. Бу икки хоту улууска нэһилиэнньэ 33% гражданскай ытык иэстэрин толордулар. Ол туһунан Киин быыбардыыр хамыыһыйа бэрэссэдээтэлэ Иван Андросов иһитиннэрдэ.
edersaas.ru
Үөһээ Бүлүүгэ 15% бастакы хараҥаччылар, сорох нэһилиэктэргэ нэһилиэнньэ 35-50% сарсыарда эрдэ быыбардыыр учаастактарга кэллилэр. Дьон быыбардааһынын саамай намыһах бырыһыана Ленскэй оройуонугар – 3,22% уонна Дьокуускайга – 3,31% бэлиэтэннэ.
0,7% быыбардааччылар атырдьах ыйын 19 күнүттэн эрдэ куоластыыр бырааптарынан туһаннылар. Быыбардыыр хамыыһыйа чилиэннэрэ салгын, уу тырааныспарынан айаннаан, сороҕун массыынанан ыраах сытар кытыы нэһилиэктэргэ тиийэн, 4042 быыбардааччыны хаптылар.
Марианна Тыртыкова, «Саха сирэ», edersaas.ru