Алмаасчыттар бөртөлүөттэрэ Анаабырга сүппүт дьону булбакка төнүннэ
24.10.2018
Анаабыр улууһун кииниттэн, Сааскылаахтан, биир кэлим диспетчерскэй сулууспа начаалынньыга Николай Тимофеев иһитиннэрэринэн, “Анаабыр алмаастара” хампаанньа бөртөлүөтэ Үрүҥ Хайаттан Сааскылаахха төннөрүгэр сүппүт дьону көрдөөн, икки чаас кэриҥэ сири-уоту кэрийэн көттө эрээри, кими да, тугу да булбатылар.
Бу көтүүгэ Сааскылаахтан 3 булчут уонна 1-дии полиция, баһаарынай сулууспа үлэһиттэрэ сырыттылар. Алмаасчыттар бөртөлүөттэрэ базатыгар Полярнай бөһүөлэккэ төннүбүт. Николай Афанасьевич этэринэн, бүгүн Сааскылаахха Быыһыыр сулууспаттан 3 исписэлиис рейсовай сөмөлүөтүнэн тиийиэхтээҕэ Дьокуускай аэропордугар хаайтаран олороллор. Сарсын, баҕар, Быыһыыр сулууспаттан бөртөлүөт тиийиэ диэн анаабырдар эрэнэ күүтэллэр.
Василий НИКИФОРОВ, edersaas.ru
+1
+1
+1
+1
+1
+1
+1