Айсен Николаев, Саха Өрөспүүбүлүкэтин Ил Дархана:
— Бүгүн элбэх оҕолоох ыаллары өйүүргэ, дьон дьадайбатын ситиһиигэ суолталаах этиилэри дойдубут бэрэсидьиэнэ Владимир Путин Анал этиитигэр оҥордо. Саҥа быһаарыылар тахсан эрэллэр. Ол курдук, бастакы оҕоҕо ийэ хапытаала, үс саастарыттан 7-гэр диэри төлөбүр курдук урут хаһан да санаабатах этиилэрбит иһилиннилэр. Бу олоххо киирдэҕинэ, дьон олоҕун таһыма балачча үрдүөҕэ диэн эрэнэбит. Үөрэхтээһин уонна доруобуйа харыстабылыгар эмиэ улахан этиилэри оҥордо. Кэрэхсэбиллээҕэ диэн, бу өрөспүүбүлүкэҕэ буола турар бырагыраамаларга сөп түбэһэрэ.
Маны сэргэ Конституцияҕа уларытыыны киллэрии, парламент оруола улаатыыта, эрэгийиэннэр боломуочуйалара элбиирэ биһиги өрөспүүбүлүкэбитигэр сөптөөх этиилэр. Ити туһаайыылар дойдубутугар олоххо киирдэхтэринэ, гражданскай уопсастыбаны тутууга төһүү күүс буолуоҕа. Маны барытын норуот куоластааһынын кэннэ ылыллыа диэбитэ олус сөптөөх дии саныыбын.
edersaas.ru