«Ампаардаах» бурдуга

Ааптар: 
Бөлөххө киир:

Бүлүү улууһугар Чочуга олохтоох  сэлиэһинэйиттэн бастакы суортаах бурдук оҥоһуллан таҕыста.

СӨ Аҕа баһылыгын уонна бырабыыталыстыбатын пресс-сулууспата иһитиннэрбитинэн,  «Ампаардаах» хаһаайыстыба үлэһиттэрэ бурдук оҥорор сыаҕы урукку хочуолунайы  уларытан, саҥардан таҥан оҥорбуттар.

Хаһаайыстыба салайааччыта Симон Томскай бэлиэтииринэн, былырыын 20 гектар сиртэн 17 туонна туораах бурдугу  хомуйбуттар.  Быйыл 40 гектартан 38 туонна туораах бурдугу хомуйдулар.

Бурдук оҥорор тэрили атыылаһыыга  СӨ Тыа хаһаайыстыбатын министиэристибэтэ уонна улуустааҕы дьаһалта өйөөбүт.

Елена ПОТОЦКАЯ, “Саха сирэ” хаһыат, edersaas.ru

Хаартыска — СӨ Аҕа баһылыгын уонна бырабыыталастыбатын пресс-сулууспатын саайтыттан.

+1
0
+1
0
+1
0
+1
0
+1
0
+1
0
+1
0