Ааспыт сыл бүтүүтэ Выборг куоракка ыытыллыбыт «Окно в Европу» киинэ бэстибээлин биир хайысхатын сүрүн бирииһин уонна «Продюсер үлэтин иһин» диэн анал бирииһи Саха сириттэн Степан Бурнашев режиссердаах «Хара хаар» киинэ ылбыта.
Билигин «Хара хаар» киинэ өрөспүүбүлүкэ киинэ тыйаатырдарыгар көстө турар. Бу күннэргэ Амма улууһуттан төрүттээх режиссеры Ф. Потапов аатынан култуура киинигэр чиэстээтилэр.
Киинэ бэстибээлигэр ситиһиилээх кыттыытынан улуус баһылыгын бастакы солбуйааччы Иннокентий Климентов, нэһилиэк баһылыгын социальнай боппуруостарга солбуйааччы Любовь Боярская, култуура управлениетын начаалынньыга Иван Иванов, Соморсун баһылыга Алексей Кононов эҕэрдэлээтилэр.
Улуус аатыттан Степан Бурнашевка массыына сэртипикээтин туттардылар диэн улуус дьаһалтатын пресс-сулууспа иһитиннэрдэ.
Билигин режиссер «Сарсыҥҥыны сырса» диэн киинэни уста сылдьарын туһунан кэпсээтэ.
edersaas.ru
2
0
Сайт матырыйаалларын ааптар көҥүлэ суох ылар бобуллар.
Комментариев к записи Аммалар режиссер Степан Бурнашевка массыына бэлэхтээтилэр нет