Амма улууһун дьаһалтата Социалистическай Үлэ Дьоруойа Петр Яковлев төрөөбүтэ 100 сылыгар ананар тэрээһиннэргэ сүбэ мунньаҕы тэрийдэ.
2021 сылга Амма улууһун Бочуоттаах гражданина, Социалистическай Үлэ Дьоруойа Петр Ионович Яковлев төрөөбүтэ 100 сыла. Бу бэлиэ даатаны дьоһуннук көрсөргө, Амма улууһун баһылыга Николай Архипов тэрийэр хамыыһыйаны кытары мунньахтаата.
Сүрүн тэрээһиннэр Петр Яковлев төрөөбүт Өнньүөһүгэр былааннаммыттар. Маныаха бары эйгэни хабан, тутууттан саҕалаан, кинигэни таһаарыыга тиийэ сорук туруоруллубут. Улуус саайтыгар бэлиэтээбиттэринэн, кэлэр сылга 100 төбөҕө хотон тутуутун саҕалыырга, кулуубу дьэндэтэн таһаарарга, ыһыах түһүлгэтин өрөмүөннүүргэ, нэһилиэк иһинээҕи суолу тупсарарарга, Үлэ Дьоруойун музей-дьиэтин саҥардарга былааннаммыттар. Ону сэргэ, үрэхтэри туоруур муоста боппуруоһун көтөхпүттэр. Туризм боппуруоһун эмиэ көрбүттэр. Маныаха туристическай маршруту толкуйдуурга, онно устуоруйаҕа киирэр сирдэри-уоттары киллэрэргэ сүбэлэспиттэр.
+1
+1
+1
+1
+1
+1
+1