Уопсастыба

Аммалар олохтоох араадьыйаланыахтара

Амма улууһугар олохтоох араадьыйа баар буолуоҕа.

Бу туһунан үөрүүлээх сонуннарын улуус дьаһалтатын саайтыгар суруйаллар. Улуус баһылыга Николай Архипов Дьокуускайга «Эксперт» хампаанньа салалтатын көрсөн бу туһунан кэпсэппит. Хампаанньа бииргэ үлэлииргэ бэлэмин биллэрбит.

Докумуону оҥорууга, наадалаах тэрилинэн хааччыйыыга кырата сыл аҥаара наада буолар. Быһа холуйан, улуус олохтоох араадьыйата аныгыскы сылга баар буолуоҕа, — диэн иһитиннэрбит.

«Эксперт» хампаанньа оройуону кытары хаһыс да сылын үлэлэһэр диэн суруллар. Маныаха Эксперт-Телеком улууска, ол иһигэр ыраах Өнньүөскэ, оптоволокно ситимин киллэрбитин бэлиэтииллэр.

 

0
0
Telegram @edersaas20

Добавить комментарий