Амма улууһун дьаһалтата Бүтүн Арассыыйатааҕы «Кинотавр» киинэ бэстибээлин кыайыылааҕын Амма Чапчылҕанын олохтооҕун Дмитрий Давыдовы эҕэрдэлээтэ.
Үөрүүлээх тэрээһин онлайн киэбинэн ыытылынна. «Пугало» диэн киинэни устан бэстибээл кыайыылааҕа буолбут режиссер Дмитрий Давыдовка улуус салалтата массыына ылынарга сэртипикээт туттарда. Итиэннэ Дмитрий Давыдов бу күн Амма улууһун үрдүк наҕараадатын тутта. Киниэхэ улуус бочуоттаах олохтооҕун аатын иҥэрдилэр.
Өрөгөйдөөх «Пугало» киинэни Амма уонна Абаҕа сэлиэнньэлэригэр уһулбуттар. Режиссер олохтоохтору уонна идэтийбэтэх артыыстары киинэтигэр уһулбут.
Саха сирин бары олохтоохторо бу киинэни кэлэр сылга киэҥ экраннарга көрүөхпүт.
edersaas.ru
Хаартыска — ria.ru
+1
+1
+1
+1
+1
+1
+1