Бу сылтан от ыйын үһүс өрөбүлүгэр Амма өрүс күнэ бэлиэтэнэр буолуоҕа.
Бу туһунан Амма улууһун баһылыга Николай Архипов быһаарыыта таҕыста. «Сылын аайы Амма өрүскэ 32 тыһ. тахса киһи кэлэн сынньанан барар. Өрүспүт алта улууһу курдаттыыр. Бүгүн Амма өрүс күнүн аан бастакыбытын бэлиэтиибит», — диэн этэр баһылык.
Ил Дархан э.т. Айсен Николаевка Амма өрүс өйдөбүнньүгүн бэлэхтээтэ.
«Бу маннык күннэри биллэрэрбит биһиэхэ ураты суолталаах. Биһиги айылҕабытын харыстыыр, өрө тутар буоллахпытына, кэлэр көлүөнэҕэ чөл хаалларыахпыт», — диэн бэлиэтиир Айсен Сергеевич.
Аграфена КУЗЬМИНА, edersaas.ru
+1
+1
+1
+1
+1
+1
+1