Амма улууһун баһылыга Николай Архипов видеокэмпириэнсийэ киэбинэн ыытыллыбыт оттооһун хаамытыгар анаммыт мунньахха түөрт нэһилиэк хаһаайыстыбалара ходуһаҕа киирбиттэрин иһитиннэрдэ.
edersaas.ru
Быйыл улуус 30 410 т оту, 2 800 т сиилэһи уонна 1 500 т сенаһы бэлэмниир былааннаах. Бэс ыйыгар тыа хаһаайыстыбатын исписэлиистэрэ 3 тыһ. 939 гектар ходуһаны кэрийэн көрбүттэрэ, аһыҥа ордук улаханнык Амма уонна Болугур нэһилиэгэр турбутун быһаарбыттара. Оттон өрүс сүнньүгэр сытар нэһилиэктэр балаһыанньалара куһаҕана суох эбит.
Кураантан, аһыҥаттан өрүсүһэн хаһаайыстыбалар оттооһуну саҕалаан эрэллэр. Окко маассабай тахсыы бу ый ортотугар буолуоҕа. Сыыппара көрдөрөрүнэн, быйыл күөх быйаҥ күрэҕэ 2420 отчут, 1066 тыраахтар, 1005 звено үлэлиэхтэрэ. Ыраах учаастактарынан оттуурга 20 мобильнай биригээдэ тэриллибит. Бу биригээдэлэргэ 79 отчут, 56 тыраахтар баар.
Раиса Сибирякова, «Саха сирэ» хаһыат, edersaas.ru