Суолу өрүсүһэн, АККОР Саха сиринээҕи салаатын бэрисидьиэнэ Александр Артемьев үлэтин чэрчитинэн Амма улууһугар сырытта.
edersaas.ru
Саха судаарыстыбаннай тыа хаһаайыстыбатын академиятын бэтэринээрийэҕэ салаатын бүтэрбит Игорь Петров кэргэнин кытары дойдутугар, Кыыс Амма үрдүгэр турар Покровка бөһүөлэгэр, кэлэн идэтинэн үлэлээбитэ. Сотору кэминэн кинини нэһилиэгин дьоно дьаһалта баһылыгынан талбыттара. Болдьоҕор үтүө суобастаахтык үлэлээн баран, эдэр киһи кэргэнинээн сүбэлэһэн бааһынай хаһаайыстыбатын тэриммитэ.
Былырыын Тыа хаһаайыстыбатын министиэристибэтин иһинэн үлэлиир «Саҥа саҕалыыр бааһынай хаһаайыстыба” бырагыраама кконкуруһугар кыттан, 3 мөл. солк. суумалаах граны ылбыта. Онно тирэҕирэн, сүөһү атыыласпыта уонна 50 ынах киирэр хотонун туттубута. Күн бүгүн 110 ынах сүөһүнү, ол иһигэр 30 ыанар ынаҕы кыстатан турар. Онно Игорь Петрович кэргэнин уонна быраатын кытары бэйэтэ үлэлиир.
Ааспыт сылга “Амма” кэпэрэтиипкэ 15 туонна үүтү туттарбыт буоллаҕына, быйыл 35 туоннаны туттарарга дуогабардаспыт. Кэлэр өттүгэр былаана киэҥ. Эбии хотон туттан, сүөһүтүн сыыйа 200-кэ тиэрдэр, сүөһү боруодатын тупсарыыга үлэлиир итиэннэ сылгы баазатын оҥостор соруктаах.
Олег Марков, «Саха сирэ» хаһыат, edersaas.ru сайтка анаан.