Амма киин балыыһатын өссө биир ситиһиитэ

27.10.2017
Бөлөххө киир:

Амма улууһун киин балыыһата (кылаабынай быраас Софья Александрова) Доруобуйа харыстабылын бүтүн аан дойдутааҕы тэрилтэтин-ЮНИСЕФ «Оҕоҕо үтүө санаалаах балыыһа» анал аатын өрөспүүбүлүкэҕэ төрдүс балыыһанан ылла.

edersaas.ru

Анал аат иһин киирсэр аттестация оҕону эмиий үүтүнэн аһатыы уонна доруобай аһылык VI нэдиэлэтин чэрчитинэн ыытылынна.

Амма киин балыыһатын ис сүрэхпиттэн эҕэрдэлиибин. Манна оҕону эмиийинэн аһатыыга кыһаллар, билиилэрин-көрүүлэрин, сатабылларын биэрэр дьиҥнээх энтузиастар үлэлииллэр.

Балыыһа аттестация уон хардыытын барытын (эмчиттэри бэлэмнээһин, оҕо күүтэр дьахталларга сүбэ-ама биэрии, үөрэтии, кырачааны ийэ үүтүнэн аан бастаан аһатар уонна оҕо ийэтинээн бииргэ буолар усулуобуйаларын тэрийии, суоскаттан аккаастаныы, төрүүр балыыһаттан тахсыбыттарын кэннэ болҕомтоҕо ылыы) ааста. Бу балыыһаны кытары уопсастыбанньыктар эмиэ үлэлииллэр. Уопсастыбаннай уонна доруобуйа харыстабылын тэрилтэлэрин кэрэхсэбиллээх уопуттарын дойдуга барытыгар тарҕатыахха наада», – диэн ЮНИСЕФ көҕүлээһинин Арассыыйаҕа национальнай сүрүннээччи Любовь Абольян эҕэрдэлээтэ.

Любовь Абольян сотору кэминэн аттестацияны ыытар өрөспүүбүлүкэтээҕи экспертэр хамаандаларын тэрийиэххэ сөбүн туһунан сөҕөн-махтайан туран бэлиэтээтэ.

Надежда ЕГОРОВА, «Саха сирэ» хаһыат, edersaas.ru 

+1
0
+1
0
+1
0
+1
0
+1
0
+1
0
+1
0