Амма Эмиһин дьаһалтатын исписэлиистэрэ Ньурбаҕа уопут атастаһа тиийдилэр
Бүгүн Ньурба куоратыгар Амма улууһун Эмис нэһилиэгин олохтоох дьаһалтатын дэлэгээссийэтэ уопут атастаһа тиийдэ.
Баһылык Прокопий Бубякин салайар олохтоох дьаһалтатын исписэлиистэрэ «Ньурба куората” МТ дьаһалтатын үлэһиттэрин кытта “төгүрүк остуол” тула олорон, олохтоох салайыныы үлэтин уопутун атастастылар.
Амма Эмиһин дэлэгээссийэтин бырайыагынан оҥоһуллар үлэ интэриэһиргэттэ.
Кинилэр ордук Ньурба куората хайдах иккитэ Арассыыйатааҕы таһымнаах куонкуруска кыайыыны ситиспитин интэриэһиргээтилэр.
— Амма улууһун Эмис нэһилиэгин олохтоох дьаһалтатын исписэлиистэрэ быйылгы үбүлүөйдээх сылбытыгар – бастакы ыалдьыттарбыт. Кинилэр тыһыынчанан килэмиэтири нөҥүөлээн, олорор сири тупсарыы боппуруоһугар уопут атастаһа кэлэн, олохтоох салайыныыга сонун сүүрээни киллэрдилэр.
Үлэ уопутун бу курдук атастаһыы өрүттэргэ икки өттүттэн олус туһалаах үлэ көрүҥэ, — диэн бэлиэтээтэ “Ньурба куората” МТ баһылыга Александр Иванов.
Елена ПОТОЦКАЯ, “Саха сирэ” хаһыат, edersaas.ru
Хаартыска — Ньурба улууһун пресс-киинин тиксэриитэ.