Амма Болугуругар «Кыайыы түннүктэрэ» сандаардылар

Бөлөххө киир:

Амма улууһун Болугур нэһилиэгэр Улуу Кыайыы бырааһынньыгын сэргэхтик көрүстүлэр.

Бу туһунан нэһилиэк социальнай үлэһитэ Зоя Аммосова санаатын үллэстэр:

— Биһиги нэһилиэкпитигэр Иннокентий Алексеевич  Федотов диэн биир сэрии бэтэрээннээхпит. Ону таһынан биэс тыыл бэтэрээннээхпит уонна сэрии сылларын оҕолоро бааллар. Ыам ыйын 9 күнүгэр «Инстаграм» ситимин нөҥүө улууспут баһылыга быһа сибээскэ тахсан бэтэрээннэри эҕэрдэлээбитэ. Бу күн ытык кырдьаҕастарбытын М.А.Ноговицын аатынан култуура киинин үлэһиттэрэ уулуссаларынан сылдьан ыллаан эҕэрдэлээтилэр. Үгэскэ кубулуйбут «Кыайыы түннүктэрэ» диэн аахсыйаҕа үгүс ыал кытынна. Бары санитарнай ирдэбили тутуһан Кыайыы искибиэригэр өйдөбүнньүк чүмэчилэри уурдубут.

Ульяна Захарова.

Хаартыскалары Зоя Аммосова ыытта

+1
0
+1
0
+1
0
+1
0
+1
0
+1
0
+1
0