Аммаҕа үтүө санаалаах ыччаттар элбэх оҕолоох ыалга дьиэ туттулар
Үүммүт сыл Арассыыйаҕа дьоһун суолталаах. Ыам ыйын 9 күнүгэр Кыайыы 75 сылын бэлиэтиибит.
edersaas.ru
Дойду Аҕа баһылыга Владимир Путин 2020 сылы Арассыыйаҕа Өйдөбүнньүк уонна Албан аат, онтон Ил Дархан Айсен Николаев өрөспүүбүлүкэҕэ Ийэ дойдуга бэриниилээх буолуу сылларынан биллэрбиттэрэ.
Ол курдук, «СПЕЦНАЗ ДОБРА ЯКУТИЯ» кэмиэрчэскэйэ суох түмсүү Амма улууһунааҕы салаата уонна Юрий Семёнов дириэктэрдээх «Элма» ХЭТ Дойдуга бэриниилээх буолуу сылын өйөөннөр, Болугурга элбэх оҕолоох Артур Таппыров дьиэтин тутан биэрдилэр.
Олунньу ыйтан саҕалаан, 17 күн устата үтүө санаалаах ыччаттар 9х11 дьиэни тутан бүтэрдилэр.
Ыал аҕа баһылыга Артур Таппыров “Болугур” тыа хаһаайыстыбатын кэпэрэтиибигэр үтүө суобастаахтык үлэлээбитэ ыраатта. Кинилэр билигин хаарбах туруктаах дьиэҕэ олороллор.
Олунньу 27 күнүгэр Амма улууһун баһылыга Николай Архипов уонна Болугур баһылыга Степан Кузьмин өйөбүллэринэн дьиэ тутуллан бүттэ. Мантан инньэ муостатын, түннүктэрин ууруохтара, ис оҥоһугун силигин ситэриэхтэрэ.
edersaas.ru