Бүтүн Арассыыйатааҕы уонна норуоттар икки ардыларынааҕы бэстибээллэр кыайыылаахтара, режиссердар Дмитрий Давыдов уонна Степан Бурнашев киинэлэрин устуулара саҕаланна.
«Режиссердар төрөөбүт улуустарыгар үлэлииллэр. Степан Бурнашев «Сарсыҥҥыны сырса» («В погоне за завтрашним днем»), Дмитрий Давыдов «Эдэр саас» («Молодость») киинэлэри усталлар. Иккиэн биир былаһааккаҕа көрүстүлэр«, — диэн улуус дьаһалтата иһитиннэрэр.
Санатан эттэххэ, олунньуга дьон-сэргэ улаханнык сэргээн, сэҥээрэн, долгуйа күүтэр киинэлэрэ Арассыыйа прокатыгар тахсаллар. Ол курдук, олунньу 3 күнүттэн Степан Бурнашев «Хара хаар», олунньу 17 күнүттэн Дмитрий Давыдов «Пугало» киинэлэрин дьон-сэргэ киинэ тыйаатырдарыгар көрүөхтэрэ.
+1
+1
+1
+1
+1
+1
+1