Амма улууһугар искэн ыарыытын эмтиир амбулаторнай киин үлэҕэ киирдэ.
Аммаҕа оройуоннааҕы киин балыыһа баазатыгар искэн ыарыытын эмтиир амбулаторнай көмө киинэ баар буолла. Бу «Доруобуйа харыстабыла» национальнай бырайыак иитинэн Саха сиригэр 15-с киин буолар диэн өрөспүүбүлүкэтээҕи онкологическай диспансер пресс-сулууспата СИА иһитиннэрэр.
Киин каадырдарынан уонна мэдиссиинэ тэриллэринэн толору хааччыллыбыт. Маны таһынан, күнүскү стационар баар. Пациеннары онколог-быраас көрөр.
Санатан эттэххэ, маннык кииннэр искэни эрдэ быһаарарга, эмтииргэ уонна учуокка турбут пациеннары кэтээн көрөргө үлэлэһэллэр.
+1
+1
+1
+1
+1
+1
+1