Уопсастыба

Аммаҕа икки хочуолунайга биэс хочуолу уларытыахтара

Бүгүн Амма улууһун баһылыга   Николай Архипов «ОДьКХ» ГУП генеральнай дириэктэрин солбуйааччы  Александр Корякины кытары көрүстэ.

 

Амма улууһун дьаһалтатын пресс-сулууспата иһитиннэрбитинэн, киин улуустарга тымныы күннэр тураннар, Амма сэлиэнньэтин АСОШ-1 уонна АСОШ-2 хочуолунайдарыгар техническэй кэһиллии тахса сылдьыбыт. Билигин эбийиэктэр оробуочай эрэсииминэн үлэлии тураллар.

«АСОШ-1 уонна АСОШ-2 хочуолларын уларытыахпыт. Бииригэр үһү, иккиһигэр икки хочуолу», — диэн Александр Корякин көрсүһүү кэмигэр эттэ. Маны таһынан нэһилиэнньэҕэ хос ааҕыы (перерасчет) оҥоһулларын туһунан иһитиннэрдэ.

Александр Корякин «ОДьКХ» ГУП исписэлиистэрэ Хакассия таас чоҕо төһө көдьүүстээҕин үөрэтэ сылдьалларын туһунан  кэпсээтэ. Санатан эттэххэ, ааспыт нэдиэлэҕэ боруобалааһын быһыытынан туһааннаах чох Аммаҕа  аҕалыллыбыта.

 edersaas.ru

0
0

Добавить комментарий