От ыйын 5 күнүгэр Саха сирин норуоттарын VII спортивнай оонньууларын көрсө Үүнэр көлүөнэ тус сыаллаах пуондата Амма улууһун дьаһалтатын кытта Амма сэлиэнньэтигэр «Чистые игры» диэн эко-квест ыытылларын биллэрэр.
edersaas.ru
Эко-квест соруга – айылҕаҕа харыстабыллаах сыһыаны күүһүрдүү, тулалыыр эйгэни ыраастык тутарга үөрэтии.
«Чистые игры” – бүтүн аан дойдутааҕы экологическай үөрэҕирии бырайыага. Бу тэрээһин хас биирдии кыттааччыта айылҕа харыстабылыгар бэйэтин тус кылаатын киллэрэр, ону таһынан бөх хомуйары уонна сөпкө суортууру үөрэтэр.
Эко-квест кыттааччылара хамаанданан бөх хомуйарга куоталаһан бааллары ылаллар. Кыайбыт хамаанда сүрүн бирииһи ылар.
Амма тэрээһинин кыттааччыларыгар анаан бөх хомуйартан ураты викторина, пикник, экологическай дискуссия уонна эбии куонкурустар ыытыллыахтара. Манна эбии бааллары сүүйэн кыайыылаах үрдүк аатын сүгүөххүтүн сөп.
Сиһилии оонньуу балаһыанньатын уонна бырагырааматын www.fondyakutia.ru саайтка киирэн билсиэххитин сөп. Кыттааччылар от ыйын 5 күнүгэр диэри cleangames.ru официальнай саайтка регистрация ааһаллар.
Үүнэр көлүөнэ тус сыаллаах пуондатын пресс-сулууспата.