Амма нэһилиэгэр Улуу Кыайыы 75 сылын көрсө Т-34 тааҥканы оҥорон, Дьокуускайтан аҕалан туруордулар.
edersaas.ru
Улуус дьаһалтатын инстаграмыгар иһитиннэрбиттэринэн, 2019 сыллаахха Улуу Кыайыы 75 сылыгар анаан Олохтоох көҕүлээһини өйүүр бырагыраама чэрчитинэн биллэриллибит өрөспүүбүлүкэтээҕи куонкуруска Амма улууһа үс бырайыагы киллэрбит. Онтон хамыыһыйа иккини талбыт. Онтон биирдэрэ — Таатта улууһуттан төрүттээх, норуоттан тахсыбыт тимир ууһа Илиан Павлов ааптардаах Т-34-85 тааҥка макетын бырайыага.
Кыайыы күнүгэр – ыам ыйын 9 күнүгэр үбүлүөйдээх Улуу Кыайыы 75 сылыгар анаммыт пааматынньык Албан аат болуоссатыгар таҥыллан туруоҕа. Хомойуох иһин, сыстыганнаах дьаҥ туран, пааматынньыгы арыйыы сиэрэ-туома онлайн-форматынан көстүөҕэ.
Улуус салалтата оройуон уопсастыбаннаһа Т-34-85 тааҥка макета турар былаһааккатын оҥорбут Николай Алексеевка уонна пааматынньыгы былаһааккаҕа аҕалан туруорбут Петр Петровка барҕа махталларын тиэрдэллэр. Бырайыак ааптара уонна урбаанньыттар Ийэ дойдуга бэриниилээх буолуу сылыгар биир дойдулаахтарыгар дьоһуннаах бэлэҕи ууннулар.
Елена ПОТОЦКАЯ, «Саха сирэ» хаһыат, edersaas.ru
Хаартыска — батсааптан.