АХШ чинчийээччилэрэ коронавируһу утары 14 вакцина көрүҥүн кытта үлэлээн саҕалаабыттар. Бу туһунан NBC теле-ханаал былааска чугас дьонтон билбитин туһунан кэпсээтэ.
Теле-ханаал кэпсииринэн, бу 14 саамай кэскиллээх көрүҥү 93 эрдэ чинчийиллэ сылдьыбыт барыйаантан сүүмэрдээбиттэр. Ону эмп оҥоруунан дьарыктанар хампаанньалар биэрбиттэр. «Муҥутуур түргээтээһин» (Warp Speed) диэн ааттаммыт Трамп дьаһалтатын коронавирустан вакцинаны түргэнник булуу бырагырааматын чэрчитинэн бу хаалбыт вакциналары чинчийиэхтэрэ.
Клиническэй тургутуулар бу ыйга саҕаланаллара сабаҕаланар. Чинчийиилэр үчүгэйдик түмүктэннэхтэринэ, ыарыыны утары үлэлиир үс-түөрт вакцина барыйаана баар буолуон сөп. Этэҥҥэ буоллаҕына, 2021 сыл саҕаланыыта дьаҥтан абырыыр вакцина, дьэ, баар буолуоҕа.
NBC этэринэн, вакцинаны оҥорууну түргэтэр сыалтан, наука уонна оҥорон таһаарар тэрилтэлэр бу салааҕа бэлиэр хас даҕаны миллиард дуоллары бараабыттар эбит.
Егор Карпов, edersaas.ru