Тохсунньу 11 күнүгэр АХШ үрдүнэн кырата 1,35 мөлүйүөн коронавирустаабыт дьон көстүбүттэр. Бу ыарыы тарҕаныытын аан дойдутааҕы саҥа рекорда буолар.
Бу иннинэ саҥа рекорд эмиэ бу дойдуга көстүбүтэ . Ол курдук тохсунньу 3 күнүгэр 1,03 мөл. киһи коронавируһунан сутуллубута биллибитэ.
Бу үлүгэр элбэх киһи ыалдьара коронавирус саҥа “омикрон” штамма тарҕаммытынан быһаарыллар. Америка ыарыыны чинчийэр киинэ биллэрэринэн ыарыы 95,4% түгэннэрэ саҥа штаммынан көбүтүллэр диэн быһаарбыт (хаалбыт 4,6% — дельта-штамм).
Джон Хопкинс университетын чахчыларынан, хамсык саҕаланыаҕыттан АХШ үрдүнэн 61 мөл. киһи сутуллубута биллэр, олортон 839,5 тыһ. киһи ыарыыттан өрүттүбэтэх.
«Саха сирэ» хаһыат, edersaas.ru
Хаартыска РБК
+1
+1
+1
+1
+1
+1
+1