Киһи бу орто дойдуга олорорун тухары дьиктиргиирэ, соһуйара элбэх. Ону наука хайдах даҕаны сатаан быһаарбат. Биһиги дьиктитик хоһулаһар 12 түгэни мунньан таһаарабыт.
Иккистээн төрөөбүт
«Феррари» хампаанньаны төрүттээбит Энцо Феррари 1988 сыллаахха өлбүт. Ый кэриҥэ буолан баран футболист Месут Озиль төрөөбүт. Хаартыскаларын көрдөххө, игирэ курдуктар.
“Титаник” тимирэрин билгэлээбит
1898 сыллаахха, “Титаник” хараабыл айсбергка кэтиллиэ 14 сыл иннинэ, суруйааччы Морган Робертсон «Тщетность» диэн новелланы суруйбут. Онно «Титан» диэн хараабыл тимирэрин ойуулаабыт. Эбиитин дьиҥнээх “Титаник” курдук көрүҥнээх, хаһан даҕаны тимириэ суох айылаах суруллубут. Айымньыга баар хараабыл эмиэ Хотугу Атлантикаҕа айсбергы кытта харсыспыт. Дьиҥ олоххо “Титаник” алдьархайын кэнниттэн кинигэни «Тщетность, или Крушение „Титана“» диэн аатынан иккистээн бэчээттээбиттэр.
Музыкант ыаллыылар
Улуу композитор Георг Фридрих Гендель аатырбыт гитарист Джими Хендриксы кытта ыаллыы олорбут. Ол гынан баран 200 сыл арыттаах. Гендель Лондоҥҥа Брук-стрит 25-с дьиэтигэр, оттон Джими Хендрикс аттыгар Брук-стрит 23-гэр.
Гувер быһытын алдьархайа
Уу быһытын тутуутугар 1922 сыллаахха ахсынньы 20 күнүгэр Джордж Тирни быстахха былдьанан өлбүт. Тирни уола Патрик Тирни хас да сыл буолан баран, эмиэ ахсынньы 20 күнүгэр өлбүт. Уоллаах аҕа Гувер быһытын тутуутугар тыыннарын толук уурбут бастакы уонна бүтэһик дьон.
Бастакы саахал
1895 сыллаахха Огайо штакка икки массыына харсыспыт. Ол саҕана штат үрдүнэн икки эрэ массыына баар эбит, олор саахалламмыттар.
Линкольн уонна Кеннеди
Америка икки бэрисидьиэнэ Авраам Линкольн уонна Джон Кеннеди дьылҕалара майгыннаһар. Иккиэн бырааһынньык иннинээҕи күн, бээтинсэҕэ, кэтэххэ ытыллан өлбүттэр. Онуоха иккиэн кэргэннэрин уонна атын ыалы кытта сылдьыбыттар. Иккиэн түөртүү оҕолоохтор. Иккиэн Билли Грэхем диэн доҕордоохтор.
Бастакы уонна бүтэһик саллаат
Аан дойду бастакы сэриитигэр Британия аармыйатыттан бастакынан уонна бүтэһигинэн өлбүт саллааттар уҥуохтара 6 миэтэрэ ыраахха утарыта тутуллубут.
Эдгар По бириэмэни уҥуордуур массыыната
Суруйааччы Эдгар По «Повесть о приключениях Артура Гордона Пима» сэһэнигэр хараабыл саахалламмытыгар тыыннаах хаалбыт моряктар Ричард Паркер диэн юнганы сииллэр. 46 сыл ааспытын кэннэ Эдгар По бириэмэни уҥуордуур массыыналаах диэн сурах тарҕанар. Тоҕо? 1846 сыллаахха, дьиҥнээх«Francis Spaight» диэн хараабыл саахалланар. 21 өлбүт киһи ахсааныгар Ричард Паркер диэн ааттаах юнга баар…
Ини-биилэр өлүүлэрэ
1975 сыллаахха Бермуд арыытын 17 саастаах олохтооҕо Эрскин Лоуренс Эббин мопедынан айаннаан иһэн такси массыынатыгар киирэн биэрэр. Биир сыл иннинэ Эрскин убайа 17 саастааҕар бу сиргэ эмиэ мопедынан айаннаан истэҕинэ такси түҥнэри көппүт. Ини-бии уолаттары иккиэннэрин биир таксист суорума суоллаабыт. Олордон иһэр киһитэ эмиэ уларыйбатах.
Трамп бэрисидьиэн буоларын мультикка эппиттэр
«Симпсоны» диэн элбэх сиэрийэлээх мультикка 2000 сыллаахха Дональд Трамп бэрисидьиэн буоларын көрдөрбүттэр эбит.
AdMе.com