Уот сэрии кутаатын үөһүгэр
Хахайдыы хааннанан киирбиккит,
Улуукан дойдугут туһугар
Хоодуоттук — хорсуннук кимпиккит!
«Алёша» таанканы билэллэр
Сир шарын нэлэмэн иэнигэр,
«Алёша» таанкаҕа үҥэллэр
Сиэрдээх дьон таҥара иннигэр.
Түөрт уонус сыллардаах сэриигэ
Охсуһан охтубут дьоруойга
Турбута «Алёша» Пловдивка —
Ол сүдү өйдөбүл ыччакка!
Билигин болгардар
ол ону
Бэл элэк оҥостор эбиттэр,
Хайдахтаах да сүрэх ол ону
Хайҕаабат итинник быһыыны!
«Алёша» баар, тыыннаах биһиэхэ,
Таанканан эргийдэ
үтүө аат,
«Алёша» таанкабыт
сахаҕа
Туохха да тэҥнэммэт Албан аат!
«Алёша» ырыабыт ньиргийэр,
«Алёша» экипаж иһийэр,
Москуба бу ытыс таһынар,
Москуба уруйдуур, киэн туттар!
Елена Прокопьева, Мэҥэ Хаҥалас, Хочо