Алтынньыга отоннуохха сөп диэн ис хоһоонноох видео бэҕэһээ батсаабынан киэҥник тарҕанна. Чахчы сонун эбээт. Сорох алтынньыга отоннуохтааҕар буолуох, үүнэн турарын даҕаны көрбүт суох. Видео ааптара “Эдэр саас” саайтка маннык хоруйдаата. Кини кимий?
“Мин Өлүөхүмэ улууһун Даппарай сэлиэнньэтигэр олоробун. Алтынньы 22 күнүгэр Сиикэй Уулаах диэн сиргэ тиит лабыктатын хомуйа бара сылдьан устубутум. Отон хойуу, олус минньийбит, саахар даҕаны наадата суох. Арыый тымныйа түстэр хамыйарга тыбыгастаах буолуох эбит, киһи илиитигэр ньиччиччи бара сылдьар. Билигин манна халлаан сылаас, хаар суох”, — диэн видео ааптара, суруйааччы Родион Данилов-Ородьумаан кылгастык хоруйдаата.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1