Саха Өрөспүүбүлүкэтин Ил Дархана Егор Борисов алтынньы 12-21 күннэригэр Дьокуускайга эр дьон ортотугар боксаҕа Арассыыйа чөмпүйэнээтин тэрийэн ыытары бэйэтин Ыйааҕынан бигэргэттэ. Санатар буоллахха, дойду чөмпүйэнээтэ киин куораппытыгар тиһэҕин 1989 сыллаахха ыытыллыбыта.
edersaas.ru
Дойду улахан күрэхтэһиитэ Дьокуускайга ыытыллыан сөбүн туһунан боппуруоһу Ил Дархан Егор Борисов уонна дойду боксаҕа федерациятын салайааччыта Умар Кремлев былырыын алтынньыга дьүүллэспиттэрэ.
2017 сыл ахсынньытыгар Москваҕа буолбут бокс күрэхтэһиитин тэрийиигэ тендер хамыыһыйата эр дьон ортотугар Арассыыйа 2018 сыллааҕы чөмпүйэнээтин Дьокуускайга ыытар туһунан быһаарыы ылыммыта.
Дьокуускай күрэхтэһиитин түмүгүнэн Европа чөмпүйэнээтигэр кыттар хамаанда сүүмэрдэниэҕэ.
Роман Попов, “Саха сирэ” хаһыат
Хаартыска Интэриниэттэн ылылынна.