Сүрүн Успуорт

Алтынньыга Дьокуускайга Дмитрий Коркин турнира ыытыллыаҕа

Алтынньы 14-17 күннэригэр Дьокуускайга «Өрөгөй» успуорка бэлэмнэнии киинигэр ССРС үтүөлээх тириэньэрэ Дмитрий Коркин аатынан норуоттар икки ардыларынааҕы көҥүл тустуу турнира буолуоҕа. Быйылгы туринир Павел Пинигин, Роман Дмитриев уонна Александр Иванов 1976 сыллаахха Монреаллааҕы Олимпиадаҕа өрөгөйдөөбүттэрэ 45 сылыгар ананыаҕа диэн тэрийээччилэр иһитиннэрэллэр.

Күрэхтэһии бирииһин пуондата 80 тыһыынча дуолларга тэҥнэһэр. Кыайыылаахтар 3 000 дуоллары, финалистар 2 000 дуоллары, боруонса призердар 1 000 дуоллары ылыахтара. Итиэннэ чөмпүйүөннэри бэлэмнээбит тириэньэрдэри эмиэ наҕараадалыахтара.

Санатан суруйдахха, 2007 сыл алтынньы 26 күнүнттэн FILA толорор кэмитиэтэ Дмитрий Петрович Коркин аан дойду тустуутугар кылаатын билинэн туран, турниры норуоттар икки ардыларынааҕы календарнай былааҥҥа киллэрбитэ уонна Гран-при категориятын иҥэрбитэ диэн sportyakutia.ru саайт иһитиннэрэр.

0
0