Бу күннэргэ Саха сирин үгүс улуустарыгар сааскылыы ириэрдэ. Саха сиринээҕи метеокиин иһитиннэрэринэн, алтынньы 28-29 күннэригэр үгүс улуустарга хаардыаҕа.
Ити этиллибит күннэргэ Өлүөнэ өрүс алын өттүгэр хотугулуу-илин диэки хаардыаҕа, ону тэҥэ соҕуруулуу-арҕаа, соҕуруу диэки инчэҕэй хаар түһүөҕэ диэн күнү-дьылы кэтээн көрөөччүлэр этэллэр.
Аны туран, арҕаа диэки улуустарга алтынньы 28 күнүгэр сөкүүндэҕэ 15-17 миэтэрэ түргэннээх тыал түһүө. Температура түүнүн 3-8 кыраадыс тымныйыа.
Алтынньы 28 күнүгэр соҕуруулуу-арҕаа, соҕуруу диэки түүнүн 3 кыраадыс тымныйыа, күнүһүн 2 кыраадыс сылыйыа.
Алтынньы 29 күнүгэр хотугулуу-арҕаа уонна хотугулуу-илин диэки 21-26 кыраадыс, оттон Арктика үгүс улуустарыгар 30 кыраадыс тымныйыа.
+1
+1
+1
+1
+1
+1
+1