Өрөспүүбүлүкэбит биллэр дьоно, ырыаһыттар, бэлиитиктэр үгүстэрэ “Инстаграм” социальнай ситимҥэ “олороллор”. Күннэтэ “сулустарбыт” ханна сылдьыбыттарын, тугу аһаабыттарын, атыыласпыттарын, уопсайынан, олохторугар туох буола турарын барытын билэбит. Сурах-садьык быһыытынан истибэккэ, илэ харахпытынан көрө олорорбут эмиэ даҕаны кэрэхсэбиллээх курдук. Онон, “Инстаграмтан” быһа тардан сонуннары үллэстэбит.
Олимпия Саҥа Дьыллааҕы “күөх уот” биэриигэ бастакытын уһулунна. Ырыаһыт куба уобарастанна, сүгүрүйээччилэрин сөхтөрдө.
Сайсары Куо убайын Байбал Сэмэнэп айар киэһэтигэр кытынна. Кини Москваҕа Гнесиннар ааттарынан муусука академиятыгар үөрэнэр.
Асчыт Иннокентий Тарбаахап инста-блогугар кабачоктан икра астаан көрдөрдө. Бу поска 2 тыһыынчаттан тахса киһи “лайк” баттаата.
Уон саастаах блогер Карина Колесова Саха сиригэр бастакынан мөлүйүөн сурутааччыланыан баҕарар. Ийэлэр күннэринэн “ийэлэрбитин эҕэрдэлиэҕиҥ” диэн флеш-моб ыытта.
Саха тыйаатырын артыыската Айталина Лавернова төрөөбүт күнүгэр “Саха” НКИХ биэриитигэр уһулунна. Айталина инста-страницатыгар күннээҕи олоҕуттан, дьиэ кэргэнин, тыйаатыр испэктээктэрин туһунан интэриэһинэй постары суруйар.
“Мисс Республика Саха (Якутия)-2017”, “II вице-мисс Россия” ааттар хаһаайкалара Наталья Строева “Мисс Мира” куонкуруска кытта бараары бэлэмнэнэр.
Таҥас дизайнера Юрий Лукин “Пятница” ханаал ыытар “Проект Подиум” биэриитигэр кыттар. Бырайыак алтынньы 18 күнүттэн саҕаламмыта.
“Мисс Респблика Саха (Якутия)-2014” кыайыылааҕа, мадьыал Лидия Гасанбалаева (Семенова) урбаан эйгэтигэр эрэллээхтик киирдэ — кэрэ буолуу солуонун арыйда.
“Snow voice” бөлөх тэриллибитэ икки сыла буолла. Ырыаһыт уолаттар Москваҕа көспүттэрэ. Дойдубут киин куоратын сыаналарыгар ыллаан-туойан, үгүс дьон биһирэбилин ыла сылдьаллар.
«Японец» массыына саппаас чаастарын маҕаһыыннарын ситимин генеральнай дириэктэрэ Афанасий Алексеев «Суһал көмө» үс реанимобиль-массыынатын хаачыстыбалаах шипованнай эрэһиинэнэн хааччыйда.
Хаартыскаҕа түһэрээччи Татьяна Власова Хэллоуиҥҥа уобараһын 1000 кэриҥэ киһи биһирээтэ. Татьяна араас уобарастанан бэйэтин хаартыскаҕа түһэрэн страницатыгар таһаарар.
Ырыаһыт Петр Кулаковскай төрөөбүт күнүн чугас доҕотторун кытта бэлиэтээтэ. Дьоро киэһэҕэ ыҥырыллыбыт ыалдьыттар 90-с сыллар истииллээх таҥнан-симэнэн кэллилэр.
Динара Евсикова бэлэмнээтэ.
Насаа учугэйдэр дии,»Хаар уолаттара»оссо дабайдынар уосээ.