Алтынньы 11 күнүттэн дьоҕус суудуналары туһаныы тохтуур

Бөлөххө киир:

СӨ Тырааныспарка уонна суол хаһаайыстыбатыгар министиэристибэтин тустаах бирикээһинэн, быйыл өрөспүүбүлүкэҕэ өрүстэригэр дьоҕус  суудуналар  сылдьыыларын тохтотор болдьох таҕыста.

— Алтынньы 1 күнүттэн Анаабыр, Дьааҥы, Өлөөн, Усуйаана, Эбээн Бытантай улуустарыгар;

— Алтынньы 4 күнүттэн Абый, Аллайыаха, Үөһээ Халыма, Булуҥ, Орто Халыма, Аллараа Халыма, Эдьигээн, Муома, Өймөкөөн улуустарыгар;

— Алтынньы 11 күнүттэн Алдан, Амма, Үөһээ Бүлүү, Горнай, Кэбээйи, Ленскэй, Мэҥэ Хаҥалас, Мииринэй, Нерюнгри, Ньурба, Өлүөхүмэ, Сунтаар, Таатта, Томпо, Уус Маайа, Хаҥалас, Чурапчы улуустарыгар  уонна  Дьокуускайга, Жатайга.

ГИМС  иһитиннэрбитинэн, үөһэ этиллибит болдьохторго дьоҕус суудуналары туһаныы тохтотуллуохтаах. Уу аалларын көрөн-истэн ууруллуохтаах. Дьоҕус  суудуналарга туһаныллар мотуоркалары эмиэ туспа харайан дьаһайыллыахтаах. Үөһэ этиллибит болдьох кэнниттэн дьоҕус суудуналары туһаммыттар, административнай миэрэҕэ тардыллыахтара.

+1
0
+1
0
+1
0
+1
0
+1
0
+1
0
+1
0