СӨ тутууну уонна дьиэни-уоту кэтээн көрүүгэ судаарыстыбаннай управлениета бу күннэргэ кыһалҕалаах тутуулар испииһэктэрин таһаарда. Ол курдук, «хара испииһэккэ» 6 тэрилтэ тутуулара киирдилэр.
Анивера Акимова, «Саха сирэ» хаһыат, https://edersaas.ru/
Бастакытынан, «Черов и К» ХЭУо Ильинка оройуонугар 32-лии кыбартыыралаах Г-1, Г-2, Г-2 эбийиэктэрэ;
Иккиһинэн, «Теплосервис» ХЭУо Покровскайдыыр суол 7 килэмиэтиригэр баар 24 уонна 20 кыбартыыралаах дьиэлэрэ;
Үсүһүнэн, «Стерх» ЖСПК Пекарскай уулуссатыгар баар дьиэтэ:
Төрдүһүнэн, «Макрос» ХЭУо Чурапчы сэлиэнньэтигэр тутулла турар түөртүү кыбартыыралаах 9 дьиэтэ;
Бэсиһинэн, «Северная строительная компания» ХЭУо Дьокуускай куорат 69-с кыбартаалыгар тутулла турар 9 мэндиэмэннээх дьиэ бастакы уонна иккис уочарата;
Алтыһынан, «СеверТеплоСтройСервис» ХЭУо Ленскэй куоракка 17-с нүөмэрдээх ПТУ оройуонугар баар үстүү мэндиэмэннээх икки олорор дьиэтэ киирдилэр.
Бу дьиэлэр кыттыгас тутуу ньыматынан тутуллан үлэҕэ киллэриллиэхтээх этилэр. Хомойуох иһин, «Северная строительная компания» Дьокуускай куоракка Каландаришвили уулуссатыгар икки дьиэни тутан үлэҕэ киллэрэ сатаабыта номнуо хаһыс да сылыгар барда. Букатын, бэһис-алтыс сылыгар барда быһыылаах. Онон, кыттыгас, нууччалыы эттэххэ, долевой тутууга киириэн баҕалаахтар, эрэллээх хампаанньалары кытары үлэлэһэргитигэр сүбэлиибит.
Анивера Акимова, «Саха сирэ» хаһыат, https://edersaas.ru/