Алта саастарыгар оскуолаҕа киирэр оҕолорго эмиэ биир кэмнээх төлөбүр оҥоһуллуоҕа

Дойду Аҕа баһылыга Владимир Путин 10 тыһыынча солкуобайдаах биирдэ төлөнөр харчыны  оскуолаҕа саҥа үөрэнэ киириэхтээх — 6 саастаах оҕолор эмиэ ылыахтаахтарын туһунан эттэ.

«Оскуолаҕа алта саастарыгар киирэр оҕолор бу төлөбүрү ылыахтаахтар», – диэн Владимир Путин РФ бырабыыталыстыбатын чилиэннэрин кытары сүбэ мунньах кэмигэр иһитиннэрдэ.

Санатан эттэххэ, 10 тыһ. солк. төлөбүрү 2021 сыл  кулун тутарыгар диэри 6 саастарын туолбут оҕолор эрэ ылар кыахтаах этилэр.

Вице-премьер Татьяна Голикова биир кэмнээх төлөбүрү Арассыыйаҕа   19,5 мөлүйүөн киһи ылыахтааҕын туһунан иһитиннэрдэ.

Былаан быһыытынан оскуола оҕолоругар биир кэмнээх төлөбүр атырдьах ыйын 17 күнүгэр диэри бэриллиэхтээх.

edersaas.ru