АЛРОСА авиа хампаанньа түөрт «Боинг» сөмөлүөтүгэр Саха АССР 100 сыллаах үбүлүөйүгэр анаммыт бэлиэлэри уруһуйдатта. Үбүлүөйдээх эмблема сүрүн ааптарынан Саха сирин биир бастыҥ дизайнера Ростислав Павлов буолар. Ойууга өрөспүүбүлүкэ гиэрбэтин кытта сэргэлэр уонна сахалыы халандаар уруһуйдаммыттар. Бу эмблема Саха сирэ устуоруйата үйэлэр тухары биир тэҥҥэ үүнэ-сайда турарын кэпсиир, кэрэһэлиир.
“Көтөр аалларбыт Арассыыйа үрдүнэн отуттан тахса куораттарыгар тиийэллэр. Биһиги өрөспүүбүлүкэбит бэлиэтиир улуу кэрчигин туһунан атын Арассыыйа атын олохтоохторугар тиэрдээри бу быһаарыныыны ылынныбыт” диэн кэпсээтилэр АЛРОСА авиа хампаанньа бэрэстэбиитэллэрэ.
Авиа хампаанньа Москва, Санкт-Петербург, Ростов-на-Дону, Анапа, Краснодар, Сочи, Екатеринбург, Новосибирск, Красноярск курдук улахан куораттарга күннэтэ элбэх рейстары оҥорор, онон кырдьык, бу эмблеманы элбэх биир дойдулаахтарбыт кэрэхсии көрүөхтэрэ.
«Саха сирэ» хаһыат, edersaas.ru
Хаартыска СИА