АЛРОСА Сунтаар улууһун 16 нэһилиэгэр ууну ыраастыыр ыстаансыйа тутуоҕа
Ууну ыраастыыр оборудованиены туруорарга АЛРОСА кылаабынай энергетига Андрей Тархов делегацияны кытары Сунтаар улууһун Бүлүүчээн, Наахара, Кириэстээх, Куокуну, Тэҥкини, Бордоҥ, Хадан, Илимниир, Сунтаар, Туойдаах, Уус-иинэ, Элгээйи, Кутана, Түбэй, Шея, Түбэй-Дьаархан нэһилиэктэрин кэрийиэхтэрэ.
edersaas.ru
«Сунтаар улууһугар биһиги үс күн үлэлиэхпит. Ууну ыраастыыр технологияҕа инженернай коммуникацияны хайдах тардарга сөптөөх миэстэни талыахпыт, Бүлүү өрүс устун нэһилиэктэр ууну оботторор ыстаансыйаларын көрүөхпүт, ону хайдах саҥардары быһаарыахпыт», — диэн этэр кини.
АЛРОСА хампаанньа салалтата атырдьах ыйын 27 күнүгэр Сунтаар улууһун баһылыгын Анатолий Григорьев аатыгар Бүлүү өрүстэн иһэр ууларын ылар нэһилиэктэргэ ууну ыраастыыр оборудование атыылаһан ылан туруорарын туһунан иһитиннэрбитэ.
Марианна Тыртыкова, «Саха сирэ», edersaas.ru