Алмаастаах хампаанньа 6-17 диэри саастаах оҕолору «Харысхалла уруһуйдаа» диэн күрэскэ ыҥырар. Ураты уонна туһалаах харысхал оҥорбут, сиэдэрэйдик, уратытык киэргэппит оҕо iPad сүүйэн ылыаҕа.
Санаан көр, эн билигин кимиэхэ көмөлөһүөххүн баҕараҕын? Балыыһаҕа сытар доҕоргор, тулаайах оҕолорго, айылҕаттан сүтэн эрэр сэдэх кыылларга? Ону толкуйдаан баран дьоҥҥо көмөлөһөр, үтүөнү, сырдыгы аҕалар харысхалы оҥорон таһаар. Ол оҥоһук араас быһыылаах, өҥнөөх-дьүһүннээх буолуон сөп. Кимиэхэ да суох ураты харысхал сүдү күүстээх буоларын умнума. Куонкуруска кыттыы сүрүн ирдэбилин туһунан сиһилии маннык саайтка киирэн көрүөххүн сөп http://contest.alrosa.ru/alrosa_rules
Харысхалыҥ кимиэхэ-туохха көмөлөһөрүн, тоҕо маннык быһыылааҕын, ону кимиэхэ бэлэхтииргин атырдьах ыйын 7 күнүгэр диэри суруйан ыытыаххын наада. Үлэҕитин маннык аадырыска күүтэллэр: 678175, Мииринэй куорат, Ленин аатынан уулусса, 6, «Оҕо куонкуруһугар” , Мария Бузуноваҕа диэн бэлиэтиигит. Суруккут электроннай көрүҥүн talisman@alrosa.ru ыытаҕыт.
«Саха сирэ» хаһыат, edersaas.ru