“АЛРОСА ИТ”  саҥа бырайыактара туһаныллаллар

29.11.2020
Бөлөххө киир:

АЛРОСА-ҕа автоматизация  уонна сыыппараҕа көһүү  бырайыактара көхтөөхтүк  туһаныллаллар, үлэ хаамыытын салайыы уонна биисинэс көдьүүһүн хаачыстыбатыгар хайысхаламмыт биир кэлим ИТ-быһаарыылар (информационнай технологиялар) олоххо киллэриллэллэр.
Сергей Иванов Мииринэй оройуонун хаһыатыгар соторутааҕыта биэрбит интервьютугар, оҥорон таһаарыыга информационнай технологиялары туһаныыны ханнык баҕарар аныгы хампаанньа ситиһиитин усулуобуйатын быһыытынан  сыаналаата.

edersaas.ru

Биһиги бүгүн “АЛРОСА-Иһитиннэрэр технологиялар” хампаанньа генеральнай дириэктэрэ Оксана Лазаревалыын кэпсэттибит.

АЛРОСА кэлэр кэм технологияларын туһанан быра­йыактары, инновациялары олоххо киллэрэр, итинтэн кү­­рэстэһэргэ  баһыйар өттүлэрин ылар. Билигин «АЛРОСА-ИТ” ханнык чопчу ыҥырыыларга эппиэттиирий?

Бастатан туран, Стратегия тас ыҥырыылары – судаарыстыбаннай хампаанньаларга тастан солбуйуу ирдэбиллэрин, биһиги кү­­рэстэһээччилэрбит тэтимнээх сайдыыларын, оҥорон таһаарар хампаанньалары салайыы саҥа технологияларын учуоттуур. Хайа-хостуур  салаа кэнники уон сылга дьиҥнээх технологическай сэргэхсийиини биллэ, сэргэхси­йии   төрүөтүнэн, бастатан туран, информационнай технологиялар буолаллар. Оҥорон таһаарыы хаамыыта уларыйар, роботы туһаныы таһыма үрдүүр, оҥорон таһаарыыны салайар уонна хонтуруоллуур автономнай систиэмэлэр оруоллара улаатар.

Стратегияҕа, бастатан туран, ханнык хайысхалары бэлиэтиэҥ этэй?

Биһиги Стратегиябыт үлэ эйгэлэринэн 8 сүрүн хайысха­лаах.  АЛРОСА-ҕа бу хайысхалар мөлтөхтүк сайдыбыт эбэтэр докумуон оҥоһуллар кэмигэр олох да суох этилэр.  Бырайыактары сала­йыыны үөрэтии ситэ сайда илигэ, уопсайынан, салайыы корпоративнай архитектуратын бэлэмнээһин ирдэниллэрэ. Өссө анал сорудахтары быһаарарга систиэмэлэри уонна сыһыарыылары оҥоруунан дьарыктанар бэйэ бас билэр сыыппаралаах лаборатория суоҕа.

Стратегияны олоххо киллэрии чэрчитинэн ситиһиилээхтик боруобалаабыт бырагыраамаларбыт АЛРОСА компетенцияларын кииннэригэр киэҥник тарҕатарга бэриллэллэр. Үлэ хаамыытын бары таһымыгар туһаныллар ИТ-инфраструктуралар табыгас­таах буолалларын, тиһигин быспакка үлэлииллэрин уонна куттала суох буолууларын хааччыйарга үлэ көхтөөхтүк ыытыллар.

Бэлиэтээн эттэхпинэ, биһиги хамаандабыт сотору кэминэн саҥа үлэһиттэри ыҥырыы суотугар күүһүрдүллүөҕэ, «АЛРОСА ИТ» үлэһиттэрин ахсаана 2021 сыл бүтэһигэр хампаанньа бары подразделениеларыгар үлэлиир 750-ча киһиэхэ  тиийэрэ былааннанар.

АЛРОСА хампаанньаҕа ИТ систиэмэтин уонна структуратын – быһаарыллар соруктар, олоххо киллэрии таһымын, хампаанньаҕа ИТ эйгэтигэр баар структурнай подразделениелар тустарынан кэп­сиэҥ дуо?

Уопсайынан, ИТ-функция икки сүрүн хайысхаҕа арахсар. Бастакы хайысха – бииси­нэс-процесстар информатизацияланыыларын уонна сайдыыларын салайыы, оттон иккиһэ – базовай ИТ-сервистэри уонна инфраструктураны  салайыы.

Бастакы хайысхаҕа бигэргэтиллибит ИТ-бырайыактары (билигин 70-тан тахса бырайыак баар) олоххо киллэриинэн дьарыктанар бырайыактыыр управление киирсэр.

Оттон иккис хайысхаҕа сервер кыахтарын, АЛРОСА сибээһин ситимнэрин  өйөөһүн уонна са­­йыннарыы, туһанааччылары тиэхиньиичэскэй өттүнэн өйөөһүн кии­рэллэр. Бу инфраструктура сүҥкэн кээмэйэ – 13 тыһыынча оробуочай миэстэ, сүүһүнэн сервердэр уонна хас да килэмиэтирдээх кабель ситимнэрэ.

Дьоһуннаах  соругунан хампаанньа ис корпоративнай  наадыйыытын – салайыы уонна оҥорон таһаарыы салаа хаамыытын хааччыйыы буолар. Билигин ханнык үлэ ыытылларый?

Инфраструктура туһунан эттэххэ, Накыын баайдаах сиригэр сибээс 182 килэмиэтирдээх волокно-оптика ситимин тардыыны түмүктээтибит. Бырайыагы олоххо киллэрии канал ааһар балаһатын 1 Гбит/с тиийэ улаатыннарарга көмөлөстө.  Үөһээ Мууна ха­­йа-хостуур комплекска диэри суол оҥоһуллар. Ситими салайар киин тэриллэр. Бу киин хампаанньа инфокоммуникационнай ситимнэрин мониторинын киининэн буолуоҕа.

Быйыл АЛРОСА массыына ­суолларын Мииринэйдээҕи управлениета (МУАД)  Supercam S250F сөмөлүөтү туһаныыны саҕалаата. Сөмөлүөт геодезическай үлэлэри,   кыһыҥҥы суоллар мониториннарын, ыксаллаах балаһыанньаны кэтээн көрүү көдьүүһүн үрдэтэр аналлаах.

АЛРОСА-ҕа тиэйэр-таһар массыыналары ыраахтан салайыы систиэмэтэ киллэриллэр. Систиэмэ тиэхиньикэ үлэлиир сиригэр куттал суох буоларын хааччыйыаҕа.

Билигин Айхаллааҕы ха­­йа-байытар кэмбинээккэ пилотнай бырайыагы түмүктээһин кэнниттэн MES-систиэмэлэр (оҥорон таһаарар ситимнэри сала­йар систиэмэлэр) Ньурбатааҕы ха­­йа-байытар кэмбинээккэ туһаныллаллар. Кэмбинээт киин диспетчерскэйэ  модернизацияны ааста. Билигин дпспетчердэр карьердарга уонна фабрикаларга үлэ хаамыытын туһунан көстөн турар иһитиннэриини, ону сэргэ, үлэҕэ тохтобул тахсыбытын туһунан биллэриини ылаллар.

Билигин MES-систиэмэлэри Мииринэйдээҕи хайа-байытар кэмбинээккэ киллэрии салҕанар. АЛРОСА биир кэлим батарар тэрилтэтэ ALROSA Video-Viewer сервиһин ситиһиилээхтик киллэриннэ. Сервис килийиэннэр АЛРОСА экспиэртэрин көмөтүнэн алмаастаах сырьену илэ харахтарынан ыраахтан көрөллөрүгэр кыаҕы биэрэр. Бу – хоруона хамсыгынан сибээстээн, хампаанньа урут хаһан да билбэтэх хааччахтыыр миэрэлэрэ   ылыллыбыт кэмнэригэр ураты суолталаах.

Оҥорон таһаарар подразделениелар көһүүлэрин хааччыйыыга, хампаанньа менеджменигэр, информационнай технологиялары уонна инновациялары туһаныыга “АЛРОСА ИТ» ситиһиитэ  кыччатыыга уонна сарбыйыыга көнө суол дии санаабаккыт дуо?

— “АЛРОСА ИТ” үлэтэ процесстары оптимизациялыырга,  ханнык эрэ эпэрээссийэлэргэ киһи үлэтин массыынанан уонна бырагырааманан солбуйарга, алҕастары аҕыйатарга  көмөлөһүө  диэн эрэллээхпин. Бу барыта – оҥорон таһаарыы көдьүүһүн уонна куттал суох буолуутун үрдэтии. Ол гынан баран, үлэһиттэри сарбыйыы диэн буолбатах.

Холобур, сир анныгар тиэхиньикэни ыраахтан салайыы – бастатан туран, үлэҕэ куттал суох буоларын хааччыйарга анаммыт бырайыак, кутталлаах сиргэ олорон тиэхиньикэни салайар үлэһиттэргэ баар кутталы аҕыйатар.

Биһиги сыалбыт-сорукпут – саҥа соруктары уонна судургу эпэрээссийэлэри быһаарарга хайысхаламмыт ресурсалары түмүү, онуоха АЛРОСА босхоломмут ресурсалары ордук суолталаах уонна уустук соруктары бы­­һаарарга ыытар, хампаанньаны инники таһаарар бырайыактары уонна көҕүлээһиннэри толорууну түргэтэтэр  кыахтаныа.

Пандемия усулуобуйатыгар  ыраахтан үлэҕэ түргэнник көһөргө хампаанньа төһө бэлэм эбитий?

Арассыыйаҕа уонна аан дойдуга бары хампаанньаларга ­ыраахтан үлэҕэ көһүү күүтүллүбэтэҕэ. Ол гынан баран, биһиги бэ­­лиэр тиэхиньиичэскэй базалаах этибит,  кылгас кэм иһигэр 3 тыһыынчаттан тахса үлэһити ­ыраахтан үлэҕэ көһөрдүбүт.  Ыраахтан үлэ элэ­миэннэрэ биһиги офистааҕы үлэбитигэр бүтэһиктээхтик киирбиттэрин билиниэххэ уонна ылыныахха наада. Онон, биһиги ыраахтан үлэ хаачыстыбатын уонна табыгастаах буоларын үрдэтэргэ тиһигин быспакка үлэлэһиэхпит.

Соторутааҕыта «Стар­тап-экспедиция Б8» Бүтүн Арассыыйатааҕы бырайыагы Саха сиригэр киллэрии туһунан сонуну киэҥник тарҕатар си­­риэстибэлэргэ элбэхтик кэпсээтилэр. Хампаанньа бу быра­йыактан чопчу тугу күүтэрий?

«АЛРОСА ИТ» эдэр хампаанньа буоларынан,   маннык быра­йыактары өрө көтөҕүллэн уонна интэриэһиргээн көрөр. АЛРОСА биисинэһэ уратылааҕын уонна үксүгэр ырыынакка бэлэм быһаарыылар суохтарын өйдүөххэ наада. Биһиги инникитин даҕаны оҥорон таһаарыы соруктарын  быһаарарга көмөлөһөр кыахтаах технологичнай хампаанньалары көрдүүргэ Саха сирин инновацияларын са­­йыннарар пуонда курдук структуралары кытары бииргэ үлэлииргэ былааннанабыт.  Маннык бииргэ үлэлээһин эрэгийиэн экэниэмикэтин сайыннарар уонна Саха сиригэр ИТ кыаҕа улаатарыгар көмөлөһөр. Бу биһиэхэ барыбытыгар олус суолталаах.

«Саха сирэ», edersaas.ru анаан «АЛРОСА» АХ (ПАО)  пресс-сулууспата.

+1
0
+1
0
+1
0
+1
0
+1
0
+1
0
+1
0