«АЛРОСА» хампаанньа бу сайын ыытыллар футболга аан дойду чөмпүйэнээтигэр спонсор буолла. Бу туһунан норуоттар икки ардыларынааҕы футбол бэдэрээссийэтэ иһитиннэрдэ.
«АЛРОСА» АХ футболга аан дойду чөмпүйэнээтигэр бэйэтин оҥорон таһаарыытын рекламалыыр бырааптанна. Маны сэргэ, аата социальнай ситимнэргэ уонна рекламаларга көстүө.
«Аан дойду чөмпүйэнээтэ субу ыган кэллэ. «АЛРОСА» курдук улахан хампаанньа кыттыспыта улахан үөрүү»,-диэбит ФИФА кэммиэрчэскэй дириэктэрэ Филипп Ле Флок.
Футболга аан дойду чөмпүйэнээтэ бэс ыйын 14 күнүттэн от ыйын 15 күнүгэр диэри Арассыыйа араас куораттарынан ыытыллыахтаах.
Николай ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1