АЛРОСА от ыйын 28 күнүгэр ойуур баһаарыттан эмсэҕэлээбит Арыылаах сэлиэнньэтин олохтоохторугар үбүнэн-харчынан көмөнү оҥоруоҕа.
edersaas.ru
Бу туһунан АЛРОСА генеральнай дириэктэрэ Сергей Иванов: “Дьолго, суһал дьаһаллар көмөлөрүнэн сиэртибэ тахсыбата. Ол да буоллар, хас да дьиэ уонна хаһаайыстыбаннай тутуулар эмсэҕэлээтилэр. Хоромньу ааҕыллыбытын кэннэ көмө сууматын быһаарыахпыт”, — диэтэ.
Баһаарынайдар, быыһыыр сулууспалар уонна баҕа өттүнэн көмөлөһөөччүлэр, ол иһигэр АЛРОСА үлэһиттэрин, көмөлөрүнэн ойуур баһаара тарҕанарын тохтоттулар. Арыылаахха баһаары умулларарга АЛРОСА уу таһар массыыналары, ону сэргэ олохтоохтору уонна “Орленок” оҕо лааҕырыттан оҕолору көһөрөргө оптуобустары биэрдэ. Ону таһынан, баһаарга АЛРОСА авиахампаанньатын МИ-8 бөртөлүөтэ үлэлээтэ.
Надежда ЕГОРОВА, «Саха сирэ», edersaas.ru